Arbana Osmani: “Turistët Italianë gjithmonë do ankohen se e kanë në gj’ak. Nuk do e bëjnë ata Shqipërinë”

Arbana Osmani tregon përvojën e saj gjatë një udhëtimi në Jug të Shqipërisë me fëmijët. Ajo thekson bukurinë e natyrës së këtij vendi dhe thekson se kemi një Rivierë fantastike me struktura hotelerie cilësore.

Megjithatë, ajo po ashtu thekson një aspekt të keq: sjelljen e disa pronarëve ndaj punonjësve dhe klientëve të tyre. Ajo përshkruan një situatë ku disa pronarë trajtojnë punonjësit dhe klientët me një mënyrë të papranueshme. Kjo sjellje e papërshtatshme shkakton zhgënjim dhe pyetje nëse do mund të ndryshojmë këtë sjellje dhe t’ë respektojmë njëri-tjetrin ndonjëherë?

Statusi i plotë i Arbanës:

“Kisha fiks tre vite pa ardhur ne Jug me fëmijët. Dhe me gjithë frikën se mos gjenim trafik, në fakt rrugët e zgjeruara dhe përmirësuara ishin një surprizë e bukur dhe nuk u bllokuam askund (ndryshe nga ç’ndodh kur ikim ne Veri p.sh).

Bukuritë natyrore ky i vend i ka, na i ka falur Zoti dhe besoj te gjithë jemi dakort që kemi një Rivierë fantastike, dhe gjithmonë e me tepër struktura hoteliere me kushte optimale; dhoma super design dhe restorante te hatashme; pashë me shumë opsione për çdo gjë, sporte uji, spa, shopping çdo gjë krahasuar me 3 vite më parë.

Por në këto pak ditë këtu vura re që fatkeqesisht vetëm një gjë nuk ka ndryshuar dhe që është përtej luksit, varkave e carpacio-ve, rezidencave me 5 yje dhe plazheve me vibe mykoniane; teksa je duke pushuar me fëmijët e tu, miqte e tu apo thjesht duke kaluar rastesisht, ka gjithmone një pronar që i uleret një punonjesi dhe e trajton si kafshe, me nje fjalor te dhunshëm e ofendues si të ishte gjëja me normale.

Dhe në ate moment, edhe pse asnjeri prej tyre se ka me ty (përkundrazi ty të respektojnë ne max) shija e keqe që të le nje debat absurd e banal me tone te larta në gjuhen amë, nga njerezit e vendit tend (se mbase te isha ne nje vend te huaj s’do më bënte aq pershtypje) të mbetet.

Dhe fillon e pyet veten a do bëhemi ndonjehere? A do mund te respektojme ndonjehere njeri tjetrin? Jo ta duam; ta respektojme. Pronari, punonjesin. Punonjesi, pronarin. Klienti, klientin ne shezllonin ngjitur. Skafisti, plazhistet. Shqiptari, shqiptarin.

Nuk do ta bejne kete vend turistet italiane që kërkojnë Shqipërinë ku hahet lirë se njesoj do ankohen prapë se e kane në gj’ak. Ketë vend do ta bëjmë ne, por vetem nese respektohemi pak më shumë. Pak fare”