Blendi Fevziu reagon ndaj sharjeve të kolegut të tij Arjan Çani dhe tregon mosinteresim ndaj tyre.
Fevziun e ka pyetur Ylli Rakipi pasi Çani e ka sharë Fevziun në rrjetet sociale, duke i hedhur batutat si “fantomas” dhe “këllirë”.
Në intervistën e sotme televizive, Fevziu zgjodhi të injorojë moderatorin dhe u shpreh se nuk ka shqetësim dhe interes për njerëz që e shajnë, duke shtuar se komentet e tyre nuk ndryshojnë asgjë për të.
Ylli Rakipi: Do të pyes për një gjë interesante. Një kolegu ynë, që ka filluar të më shajë edhe mua nëpër mesazhe që u dërgon njerëzve, të ka sharë në facebook. Për Arjan Çanin e kam fjalën. Si ka mundësi? Di gjë ti?
Blendi Fevziu: Në përgjithësi jam i ftohtë ndaj komenteve. Nuk më bën përshtypje asgjë. Kam nja 4-5 njerëz, mendimi i të cilëve më intereson, që janë rreth i afërt. Nuk kam shqetësim për askënd që shan. Një periudhë kohe i ripostoja sharjet.
E dyta, është shoqëri e hapur. Përshembull, nëse une mendoj që je budalla, ndryshon gjë kjo?Ja ta zëmë se mendon ti se jam budalla, çfarë ndryshon kjo për mua?
Kjo është tipike e vendeve të vogla dhe shumë të limituara. Nuk më intereson. Realisht nuk më kushton askund.