Rita Ora është një ndër këngëtaret me famë botërore e cila nuk e ka mohuar kurrë origjinën e saj dhe madje e shpreh shpesh herë nëpër daljet e saj publike apo në rrjetet sociale se është shumë krenare për vendin e saj.
Por ndryshe nga vajzat e tjera shqiptare që kanë marrë famë ndërkombëtare, Rita shprehet se ajo është “kosovare”.
Së fundmi ra në sy dhe një postim i saj në Instastory, ku kishte shpërndarë këngën e Dafinës dhe Taynës dhe shkruante: Pse femrat kosovare janë kaq të papara?.
Fakti që Rita shprehet se është kosovare dhe jo shqiptare, ka ngjallur shumë debate, kështu ajo është detyruar ta shpjegojë këtë fakt edhe në një intervistë që ka dhënë së fundmi tek “Wired”, ku folur edhe për aktorin Jim Belushi.
Gjatë intervistës ka treguar se aktori që pëlqen më shumë është Jim Belushi sepse është kosovar dhe krenohet tepër me figurat e vendit të saj.
“Ne jemi të dy nga i njëjti shtet, nga Kosova. Ka aktualisht plot artistë të mrekullueshëm që vijnë nga vendi im. Jam shumë krenare për këtë. Ai është një ikonë në Kosovë”, u shpreh Rita dhe më pas shpjegoi konceptet e përdorura për origjinën.
“Po jam shqiptare por më lini t’ua shpjegoj pak pasi është disi e komplikuar. Kosova është e pavarur tashmë, por nuk ka qenë më parë. Për vite të tëra unë kam thënë që jam shqiptare, jam shqiptare, shqiptare, por aktualisht jam kosovare, megjithatë është pothuajse e njëjta gjë ”, është shprhur Rita.
Rita Ora u shpreh se e flet gjuhën shqiptare pasi prindërit e saj komunikonin shqip në shtëpi dhe u shpreh se kjo është diçka e mirë “pasi njerëzit në publik nuk e kuptojnë çfarë thotë”.
“Po flas shqip, prindërit e mi më kanë rritur duke folur shqip në shtëpi. Në të njëjtën kohë po mësonin anglisht. Falënderoj Zotin që ma kanë mësuar. Sidomos në publik, kur njerëzit e tjerë nuk të kuptojnë se çfarë po flet”, përfundoi ajo.