Një shtetase rreth 75 vjeçe, me emrin F.D., dyshohet se është vetëhedhur në lumin Vjosë në hyrje të qytetit të Përmetit rreth orës 14:15.
Pas njoftimit të ngjarjes, shërbimet e Policisë kanë shkuar në vendngjarje dhe, me ndihmën e qytetarëve, kanë arritur të nxjerrin shtetasen nga ujërat e lumit.
Shtetasja F.D. është transportuar në spital për ndihmë mjekësore dhe nuk rrezikohet jeta e saj.
Në vendngjarje ndodhet një grup hetimor që po punon për dokumentimin e plotë të rrethanave të kësaj ngjarjeje.